مشاهدات صباحية
الروتين اليومي إللي كلنا عم نعيشو، أصبح متل
شربة المي، كل يوم منوعا الصبح، منلبس تيابنا ومنروح عالشغل !
انما الملفت بهالنظام اليومي هوي روتين
المناظر، المشاهد والوجوه خاصةً!
يعني حلو يوميه تلتقي وتشوف ذات الأشخاص
ماشية ع ذات الطريق اللي إنت بتمشيا، يمكن يكونو أطفال، عجز أو من الشباب!
هالروتين الوجوهي، إذا فينا نسمي بولد نوع من
الرفقة الصباحية، يعني على كترة ما عم نتصادف مع هالعالم مراراً وتكراراً
خلال الأسبوع، ما فيك غير ما شي نهار تبتسم وتاني نهار تسلم، يمكن موعد
ويمكن لقاء !!!!!
عم بمزح !! هلق كل شي وارد بس المغزى
إنو هالرفقة، بتعطيك دعمه عالصبح خاصةً انك بتكون رايح ع شغلك وما الك
جلاده ومفكر إنو ما حدا غيرك عم يشتغل كل يوم ولكن بس
تتلاقى على طريقك بولد عمرو أنجأ ٤ سنين
ما مبين منو غير شنطة المدرسة شو معقول تقول ؟
إنو إذا ولد أنجأ قادر يمشي
وجايي عالمدرسة كيف حال شخص ناضج ؟
أما المشهد التاني هوي الرجال
الختيار اللي عندو دكانه مساحتا متر بمتر وفيا كم حبيت علكه وكم قطعة شوكولا
وبيبقى محمس ويمكن هوي موعي للديك كرمال يطلع الضو بركه بيسترزق بكم ليرة عالقليلي
طلعلو حق ربطة الخبز!
يعني بيكفي الواحد يشوف
هالمشهدين ليعرف إنو ما في حجه بتقلي عجي إدام هالظرفين!
