الطابق الأول!
بعز
الفساد العمراني يلي عم نشهدو صرنا عايشين بظل الأبراج الإسمنتية اللي عم
تعمر بدل من ظل الشجرة ...
كتار من
الناس بفتشو عالمنظر المطل من شرفة منزلن، من هيك بفتشو على الطوابق العالية إن
كان بالجبل أو بالمدينة.
هالمشروع
فيو وجهة نظر، انما بلبنان " الطابق الأول" لازم يكون من أولى
تطلعاتكن لعدة أسباب أهمها،
متل ما
بتعرفو الطابق الأول بلبنان بطل على لمبة البلدية هاللمبة بتشعشعلكون البيت وما
بتعوزو تصرفو كهربا من البيت وفي حال عدم وجود الكهربا ( وهي غير موجودة في أغلب
الأحيان )
إذا طق
دجنتور الموتور، النزلة من اول طابق أحلى من الطابق العاشر، لتعلي فقسة
الدجنتور!
ثانياً
إذا شي نهار نسيت مفاتيح البيت، بالبيت، بتستعير السيبه من عند الجيران وبيتعربش
عالبلكون وبتفوت عبيتك ، ولا كأن صار شي، بينما لو كنت بالطابق الخمسين ايه بدك
تستعين بفرقة إنزال من الجيش اللبناني لتفوت عالبيت !
ثالثاً
إذا شي نهار وعيت مأخر ع شغلك بدل ماتقعد تلف 800 كوع عالدرج أو توقف تنطر
الأسنسور ليخلص برمتو عالشرق الأوسط، أبو درجتين من الطابق الأول وبتصير بشغلك
....
وزياده
عن هيك بتوفر ع حالك إشتراك الأسنسور ... ما إنت مش عايزو أصلاً ...
أما
بالنسبه للمنظر الجميل من شرفة البيت، ليه تركو منظر بلبنان ؟؟؟
خلو
بابكن أول باب، خلو اختياركن الأول، الطابق الأول!
ملاحظة
: هالسرد عن الطابق الأول هو لإبراز فوائد السكن في الطابق الأول
ولوقف عمليات بناء الأبراج الإسمنتية اللي ما تاركة بقعة خضرة غير ما آكلتها، من
غير شي أكلولن الشجر خلولنا منفذ هواء !!
وأنا من سكان الطابق الأول !
