تماشياً
مع عصر التواصل عبر البريد الإلكتروني وحرصاً منها على مجايرة جيل الشباب في
طريقة عيشهم قررت احدى الأماكن الروحية انشاء موقع إلكتروني
حيث
يمكن من خلاله تزويد المقبلين على الزواج بالمعلومات اللازمة وأن يحجزو
لزفافهم عبر دخولهم الموقع الإلكتروني الخاص بالمكان !
يا أيها
الشباب لا داعي بعد اليوم أن تدورو وتسألوا: " ما هي الأوراق التي أنتم
بحاجة إليها، أي يوم شاغر لإجراء الزفاف أو كيف تتم مراسم الزفاف ... لا تشغلو
بالكم، الزفاف
أصبح
متل شربة المي، ادخلو هذا الموقع وستجدون الأجوبة ...
( عملية
بسيطة ما بتوتر العروس وبتخليها تشعر بالهدوء كما وإنو بتعطي رونق لوجهها، أما
العريس بتخفف عليه ضغط وبرم وتوفير بنزين، "هيك بيستعملن لدفع مراسم
الزفاف" كلو مدروس )
من
مميزات هالموقع إنو مقسم المناسبات أعراس، عمادة، تعازي ( بعيد من هون ) أوقات
الصلاة، تأملات.... وعاطي لكل قسم حقو، يعني ما منقص عليكن شي أبداً كما
وإنو بيحكي 3 لغات وعم يتدرب عالهندي حالياً...
كما
وإنو بيهتم معك بأدنى تفاصيل المناسبة اللي إنت ناوي تعملا وأكيد عبر الموقع
الإلكتروني مثلاً ينصحك بأنواع الزهور ودرجات الطول والعرض اللي لازم
تكون بالمكان يعني بتعرفو في أنواع زهور بتسبب عطس وحساسيه لبعض الموجودين
مفضل إنو يتم استبدالها بأغلى نوع زهور بالموسم اللي بتحبو تتزوجو فيه، أما
بالنسبة للإضاءة، يمكن الاستعانة بصاحب نظرة وصاحب خبرة لأن الجماعة حريصين على
مكياج العروس من إنو يشط، وحريصين على عيون العالم إنو تزوغ أو يدمعو نتيجة
النور القوي أو من شدة التأثر، منوصل للكاميرة، هالالة اللي كل العالم بظبتو
حالن كرمال يبينو حلوين بالصور وبالفيديو لأن هاي الصورة للذكرى، هون بيتدخلو
الجماعة وبقولولكن كيف لازم تتحرك الكاميرات داخل وأثناء المناسبة وبيعطوك رأين
بالموضوع بصراحة ومن الاخر إنو هني شو بفضلو يعني بطريقة غير مباشرة هاي
شروطن الجماعة، يعني يا يجي "ستيفن سبيلبرغ" ينفذ التصوير أو
بلاها... وما حدا يزعل!!
هلأ حفل
بهالضخامة ما معقول ما تكون جوقة الفاتيكان موجوده داخل القاعة يعني معليه كل شي
منسق ومرستق وعالأصول ما حلو نفكسا بعدم وجود جوقة إلها تقلا...
منوصل
للختام، الفاتورة، إنو هني مش فارضين شي، بس إنو معقول "ستيفن سبيلبرغ"
وجوقة "الفاتيكان" موجودين والك عين ما تك نيفتك؟؟؟؟
طيب هون
سؤال بيطرح نفسو هالإرشادات هي بقصد المساعدة أو عملية تجارية؟؟؟؟؟؟
بهالحالة
بعدها العروس محافظة على رونق وجهها؟ وهل لا زال العريس بفضل يوفر بنزين ؟؟
ملاحظة:
في حال تعذر الإتصال بالشخص المعني، يمكن إرسال رسالة عبر الواتساب!
دامت
الافراح في دياركم!
