من وقت ما تخلق البنت بحيلا بيت
بلبنان، بتبلشو تسمعو معها جمل ستاندرد من أيام الإحتلال الفرنسي والعثماني اللي
كان مسيطر علينا بوقتها و يمكن بعدو ....!!!
كل شي قطع علينا دول وحضارات
وأدي نحنا شعب مثقف، بعدنا إذا البنت بدها تتوظف بيعرضو عليها دغري انها
تكون معلمة مدرسة أو موظفة بنك! ليه..؟!
كرمال الأولاد... بكرا
ولادك مين بدو يربين؟ مين بدو يعلمون؟ مين بدو
يطعميون؟....
ولو ... ليه بالمدرسة ما عم
يتربو، ياكلو ويتعلمو ؟؟؟ بعدين من قال إنو البنت ما رح تعرف تنظم وقتها
وحياتها كرمال توفق بين واجباتها العملية والمنزلية...؟
وإذا بدها تشتري سيارة:"
جيبي سيارة من الشركة، ما إنت بنت !!!! ما بتعرفي تقوم تنقطع معك شي نهار عالطريق
بآخر الليل ... سيارة جديدة مأمنة.
ممم هات لنفكر بوضع
السيارات الجديدة اللي الواحد قادر يشتريها، بكون حقها بلوي وبتكون
بتسوى تنكه... و أي نخعة على السواقات اللبنانية ، بتودع بلدك وأهلك!
وإذا حبيت هالصبية تكمل علمها
وتطمح إنو يكون معها شهادات عالية، بهبطولها حيطان بوجها دغري، إنو لشو دخلك؟؟ شو
بدك تعلقين بالمطبخ ؟؟؟
طب بركي حبيت تاخد شهادات عالية
بالطبخ ؟؟ وتبرم العالم وتخترع طبخات جداد وتقوم بنشر كتب طبخ، شو بكون
جوابكن بهالحالة؟؟ راح بتشجعوا لأن رح تأمن الغذاء الكامل لعيلتها؟؟؟
فكو عن هالبنت وتركوها تشوف وين
موقعها بهالعالم ....
