موسم الخطف بلبنان بأعلى درجاته
وأبهى حلته، لا بل سبق الموسم السياحي بأشواط وغطى على عمليات الخطف بالدول
الأجنبيه وبتقولو لبنان بلد مأخر عن غيرو من البلدان،... عيب هالحكي !!
الملفت بعملية الخطف بلبنان هوي
الفدية، إذا ملاحظين تعيين الرقم لطلب الفدية كتير مدروس وبطريقة تجنب الخاطفين
دفع ال TVA
يعني أخر عملية خطف شهدناها طلب
الخاطفين مبلغ وقدره 1.999.000 $ / مليون وتسعمية وتسعة وتسعين ألف دولار أميركي
فقط لا غير . يا سلام على هالرقم مش إنو مليونان، لاااا...!
"مقبلات" وبمقابلة
خاصة مع شيخ العصابة استفسرت عن هالموضوع بالذات وأتت بهالتقرير المفصل اللي بتبين
فيه وجهة نظر الخاطفين، أهداف عمليات الخطف وكيف بتم تحديد الفدية !
أكدلنا شيخ العصابة إنو العصابة
وقبل كل شي عندها قلب ورحمه وعيال من هيك هيي بتتعاطف مع أهل المخطوف بعكس ما
بينقال بعد كل عملية خطف من هيك أول خطوة عملوها كمبادرة حسن نية هوي تعيين رقم
الفدية
وقدره 1.999.000 $ وليس مليونان،
ولو رح يطلعو بخسارة ...
ثانيا، شنطة الاموال بتكون أخف
1.999.000$ وبتسهيل هروب الخاطف
ثالثا والأهم هو إلتزام العصابة
بعدم دفع ال TVA وغيرها من المدفوعات متل الكهربا والماي والأكل والملبس إذ هني كل
حياتن هيك عايشين ليه بدن يدفعو TVA ؟ وع شو؟ ع مخطوف؟
شيخ العصابة اعتبر إنو
هيدي إهانة لإسم العصابة وشرفها واحترافها بالخطف ومهنيتها!!
بالنهاية هدف العصابة التعرف على
المخطوف و يصيرو أصحاب معو هيدا هدفهم الأساسي الصداقة! وليس المال متل ما
كل العالم بتفكر. لأن العصابة وكما منلاحظ كل مرة بتكرم المخطوف وبتدعي إلى سهرة
بالجميزة وبيتصورو معو و بيعملولو تاغ بالصور على فايسبوك وحتى التواصل مع المخطوف
بيبقى من بعد ما يعود لأهلو عبر الواتسب هني ما بينسو الخبز والملح بعدين
ما حدا بيعرف إذا تم النصيب يمكن يصير من أهل العصابة قصدي من أهل البيت و بهالحالة
أكيد بيعملو خصم بالفدية لاهلو...
لهالأسبب
مجتمعة رجاءً عدم التشكيك بمهنية الخاطفين وتعاطفن مع الخاطف واهلو !
