أهلين وسهلين بال-2014
نورتي بلدنا بالفرقيع، الرصاص
وتكسير الصحون
انشالله يكونو بس للاستقبالات
مش حقيقة متل ماودعتنا بنت عمك
ال-2013
عندي إلك مشروع
ما عنا مشكله تفجريلنا حياتنا
بالورود
وتولعي البلد إزدهار
وتطمري كل الأحزان
وتفرقعي سمانا انجازات
شو بيمنع تجربينا
ماكسيموم بتتركينا
مش حرزانه تبهدلينا
اللي فينا مكفينا
منتمنى عليكي تعفينا
ولو شي سنة نشوف وج الله
فيها
ما حدا بيعرف يمكن من خلالنا
يصير العالم يحكي فيكي
وفينا
فكري فيها منيح
نحن شعب صدرنا أدمغة بالملايين
بس من قلة الملايين
استولوا علينا بالملايين
إنتي عطينا أمان
وزودينا بولاد الحلال
وشوفي كيف منصير تمام
شو قلتي ؟
No comments:
Post a Comment