Sunday, September 20, 2015

طير



شرد طير عن سربو 
قال حابب يطير ع حسابو
مش عارف إنو بسفرتو لحالو 
رح يكون مصفر حسابو

صار يزورب بين الغيمات
وحدة تاخدوا صوب الشلالات 
وتانية تبعدو كيلومترات 
وهوي تايه ما عارف الشر من الخيرات

طلع براسو يتحدى
كل صعوباتو ويتعدى
ع كل مين بقرب صوبو 
ترقبتو يفكها

لحد ما وصل عبلد جليد 
صار بدو يصارع الريح
لحد ما فات شيح بريح
وصاروا كل الطيور بطقس الربيع 
يتحسروا ع شبابو اللي تجسد 
بتمثال جليد 

Wednesday, August 19, 2015

العالم شمعون



نشأ في بلدة "زيرقون " عالم إسمه شمعون، فكان يقصده كتاب ومؤرخون، علماء ومهندسون، شعراء وبناؤون.. ليستشيروه في شتى المجلات والفنون
فهو عالم، محلل وله بعد نظر متقون...
إلى أن إستوقف العالم شمعون، مقال لمؤرخ مجنون، عادة ما يقرأ له العالم شمعون ليستمتع بقلمه المجنون ... إلا أن درجة جنونه هذه المرة أدت إلى تخريب 
عقل العالم شمعون فراح يفكر ويفكر... يقرأ ثم يقرأ .... يحلل و يستنتج إلا أنه لم يستطع .... يريد قراءة ما بين السطور التي لطالما عرف قراءتها، يريد رؤية الصورة 
في العبارة التي لطالما رأها، إلا أن هذه المرة تكاثرت الصور والسطور  إلى أن أحدثت فوضى عارمة في عقل العالم شمعون... فعقد حاجبيه مستاء وظهر الغضب 
على وجهه مجتاحاً، فقد شعر بالإهانة والخجل كونه لم يعرف ما حقيقة كتابات المؤرخ المجنون .... فراح يدرس النص، يقرأ بتمعن ويضع نقاطاً وتحليلات ....

إلى أن أتى يوماً والتقى العالم شمعون بالمؤرخ المجنون، فقرر العالم شمعون أن يدخل على المؤرخ المجنون في إستجواب حول مقاله الملعون وقال :" يا أيها  المؤرخ الصديق 
لقد استمتعت بمقالك العريق إلا أنه استوقفني لغز دقيق، فرحت أتساءل  إن كنت تشعر بضيق" ؟
فرد المؤرخ المجنون :" يا صديقي شمعون، أنت فعلاً عالم ورؤياك في الأمور تذهب إلى أبعد ما يكن حتى لو كانت الكلمات في العبارة مبطنة"

فابتسم العالم شمعون وقال :" يا صديقي المجنون أقر بأنه لا أحد غيرك يجعل رأسي يعمل كمعمل يعج بالميكانيكيون لفك شيفرة كتبها مجنون"! 

Monday, August 10, 2015

بصارة


 نقطة ع وج المي قررت تعمل غطسة
غطست عقعر البحر وصارت تتفتول محتارة
لاقت قعر البحر فيو عجقة، خبار وسرارة
وفجأة بيطلع بوجها بصارة

ندهتلا البصارة من بعيد   
قالتلها قربي يا بنتي اكشف حياتك بالإيد 
مصيرك كله يبين بس إنت تمدي هالإيد 
إنت مش عارفي أنا مين، أنا البصارة ست العارفين

قدمت نقطة هالإيد 
وبلشت البصارة تحدق وتفحص هالإيد 
وكانت نظراتها فيها تلبك عجيب
خافت النقطة على مصيرها وسألت البصارة
طمنيني .... حياتي بخطر؟


جاوبتها البصارة، :" يبدو حياتي أنا بخطر، لأن فقدت خبرة التبصير والبصر !

Friday, May 22, 2015

قرارات...



 كنت بوقتها قررت 
اني ما رح قرر 
غير قبل كل قرار 
قرر اني رح قرر 

قرر أي قرار
رح يكون القرار الصواب 
وما يخليني قول يا ريت 
ما أخدت هيك قرار

بكل الأحوال وشو ما كان القرار 
إن فوتنا بالخراب أو بالعمار 
ما فينا غير إنو نعيش هالقرار 

ونرجع نفكر وناخد غير قرار...

وردة بفخارة



في وردة بقلب الدار  محتارة 
قال بدا تكون داخل مي وفخارة
زهقت من أحاديث النسوان والرجالة
بالصالونات والأوتيلات والمطارة

عبالها تتكنكن مع رسمات ورود الفخارة
وتبعد عن عجقة الأضواء والإنارة
هي هيك بتلاقي حالها…


هيدي الوردة غريبي بأرائها
وافكارها كلها فن و جراءة