ضيّعت الطريق

كم مرّة ضيّعت الطريق؟ اي عم بسألك انت اللي عم تقرا هيدا النص, كم مرّة  ضيّعت الطريق؟

طريق البيت أو طريق الجامعة أو الطرقات كلّها!!

انّو بصراحة حقّك! أنا مبارح كنت آطعة بطريق ما بها شي, عجقة سير ما فيها و اذ تاني نهار يا حرام شو صار فيها!

مبحشينا, مطحبشينا ما مخليين جريمة مش مرتكبينا فيا, بلا اذن و بلا دستور حكموا عليها و علينا انّو نضيّع الطريق!

يعني الطريق بحدّ ذاتها ما معها خبر شو صار فيها على كتر ما بحّشوها فقدت ذاكرتها نسيت كيف هجمو عليها و نكشوها, ضيّعت عقلها المخلوقة!

كان بدّها تقدّم شكوة بس ما عرفت ضدّ مين!

مثلها مثلنا, منعلّي الصوت و منحتجّ ومنسبّ و لكن ضدّ مين؟

ما كلّو مزفّت و محمي ومضمون الاّ الشعب المقهور!