شدو العزيمة يا أهل العزم
والعزائم بس بليز ما تخنقونا فيا!
يعني أد
ما صايرة العزيمة أو الدعوة أو العرض لغرض أو لتوصيلة، قوية وكتير فيا إصرار
هالأيام صرنا عم نخجل وما عم نعرف وين بدنا نخبي وجنا من هالعالم الطيبة فعلاً !
العزيمة
صارت مسرحية كوميدية، فيا مواقف طريفة ولحظات مبكية ومضحكة بذات الوقت!
يعني
بيحتار الواحد شو بدو يقول أو كيف يتصرف إدام ظرف مثل إنو بس يوصل الواحد على
بيتو من بعد ما يكون ماشي شي ١٠٠
كلم وما مخلا سرفيس وباص وما مقفى ولا وسيلة نقل مش مستعملا وقاطع السند والهند،
بيتلاقى بصديقو عباب البناية وبقلو صديقو بكل برادة:" ولووو طب ما قللي كنت
جبتك معي ولو ليه ما بتحكي ؟ ما نحنا بذات الشغل و ذات البناية!
خلص بكرا إنت معي!
تاني يوم بيختفي الصديق الوفي!!
أما
الظرف الثاني هوي لما مجموعة من أصحابك بكونو رايحين على شي سهرية وبقولولك إنو
رايحين، انما ما بيعرضو عليك الروحة غير لما يكونو راجعين، يعني إنو عالساعة
٤ الصبح
بيبعتلك ميساج إنو : " يا مان وينك، تع سهار معنا شو بدك عزيمة؟ يلا بعد
بتلحقنا شي نص ساعة وفالين ، ناطرينك " ( يا عيني عليكن يا مان )
منوصل
للظرف الثالث هوي دعوة العرس لما بكونو العازمين داعيين شخصين لمعازيم معينين
، وتاني يوم العرس بعاتبوون ليه بس راحو شخصين وهني ١٠ أشخاص
ولو ما
بتحبو تفرحو معنا ؟؟
حلو
الواحد يستهبل التاني بس مش هالقد، بصير هوي المهبول، يعني إسمحولنا فيا يا انتو
اللي عم تتذاكو علينا بعزايمكون ونازلين فينا عرض خدمات متواصل ما موصل غير على
نسيان لأشخاص متلكن!
عانيت كثيراً من تلك الأمور.. ثم تعلمت كيف أقول -لا- بابتسامة عذبة
ReplyDeleteاليوم أقوم بحمية اجتماعية عن الأنواع التي تسبب التخمة من الناس.. فكما أن هناك أنواع من الطعام تجعلك بعد أكلها تقولين : ففففففففففففففف.. كذلك بعض الناس عندما تتعاملين معهم
اختاري مجتمعك الصغير الذي يناسبك.. تلك هي تجربتي الناجحة
أتمنى لك حياة هادئة
!شكراً لمشاركتي تجربتك، أتمنى لك أيضاً حياةً هادئة
ReplyDeleteNouna hehe ma tkhale chi b albik hehe
Deleteniccccccccccccce